د کډوالو د ستنېدو څپه؛ په یوه ورځ کې د ۱۴۹۴ کورنیو بېرته راتګ

د معمار خبري آژانس د راپور له مخې؛ د طالبانو تر ولکې لاندې باختر آژانس د پنجشنبې په ورځ، د میزان په ۳مه نېټه راپور ورکړی چې ۶۷۰ کورنۍ د ننګرهار د تورخم له لارې، ۴۱۸ کورنۍ د کندهار د سپین بولدک له لارې، ۵۲ کورنۍ د نیمروز د پل ابریشم له لارې، ۱۱۶ کورنۍ د هلمند د بهرامچې له لارې او ۲۳۸ کورنۍ د هرات د اسلام‌قلعه له لارې هېواد ته بېرته راګرځیدلي دي. دا په داسې حال کې ده چې د طالبانو د کډوالو وزارت د راپور له مخې، څلور ورځې وړاندې هم له زرو ډېرې کورنۍ افغانستان ته راګرځیدلي دي.