د معمار آژانس د خبر له مخې؛ په همدې موخه جوړو شويو مراسمو کې د کندهار (احمدشاهبابا نړیوال هوايي ډګر) رئیس حافظ عصمتالله وویل، چې له کام ایر هوایي شرکت سره یې په ګډو هڅو د کندهار – دوبۍ ترمنځ الوتنې پیل کړې.
په ورته وخت کې د جنوب لوېديځ زون په کچه د کام ایر هوايي شرکت مسوول مولوي نورعلي حیدري وویل، چې کندهار ډېر سوداګر او صنعتکاران لري او اړتیا وه، څو د کندهار – دوبۍ ترمنځ الوتنې پیل شي.
نوموړي زياته کړ، چې له دې وروسته به له کندهار څخه د شنبې په ماښام دوبۍ ته او د یکشنبې په سهار به له دوبۍ څخه کندهار ته الوتنې وشي.
د يادولو وړ ده، چې کام اير په راتلونکي کې پلان لري، چې د کندهار ـ ډهلي او د کندهار ـ چین ترمنځ دوه اړخیزه الوتنې هم پيل کړي.
