د کجکي د برېښنا بند د ۱۲ میلیونه ډالرو په مالي لګښت د همکارۍ تفاهم لیک لاسلیک شو

د معمار پرس د خبر له مخې؛ دغه شرکت د یوې اعلامیې په خپرولو سره اعلان کړی چی د کجکي بند د پروژې د مالي ملاتړ تفاهم لیک د افغانستان د برېښنا شرکت د اجرایوي ریاست، د افغانستان ملي بانک د اجرایوي بورډ او د کجکي د برېښنا د انرجۍ د تولید شرکت ترمنځ لاسلیک شو. د برېښنا شرکت د خبرپاڼې له مخې، د عبدالباري عمر، شاکر جلالي او بوراک انسال ترمنځ د لاسلیک شوي دغه تفاهم لیک پر بنسټ، افغان ملي بانک به د کجکي د برېښنا بند د پروژې د مالي ملاتړ لپاره ۱۲ میلیونه ډالره د پلور په بدل کې ورکړي. دغه بانک به د خصوصي سکټور د ملاتړ له امله دغه پیسې د پنځو کلونو په موده کې تادیه کړي.