د معمار پرس د خبر له مخې؛ د کازان په شپاړسمه اقتصادي غونډه کې، چې د تاتارستان جمهوریت په پلازمېنه کازان کې د مختلفو هیوادونو د استازو په ګډون جوړه شوه، د لومړي ځل لپاره د طالبانو بیرغ په رسمي ډول د نورو هیوادونو د بیرغونو تر څنګ وښودل شو.
دا نړیواله غونډه، چې د مختلفو هیوادونو ترمنځ د اقتصادي او ډیپلوماتیکو بحثونو لپاره یو پلیټ فارم دی، د طالبانو د اقتصاد مرستیال عبدالغني برادر پکې ګډون کړی و.
عبدالغني برادر په دې اقتصادي فورم کې د ګډون لپاره کازان ته سفر کړی و، چې یو له مهمو سیمه ییزو غونډو څخه ګڼل کیږي.
په دې مراسمو کې د طالبانو د بیرغ نصبول د دې ډلې د هڅو نښه ده چې غواړي نړیوال مشروعیت ترلاسه کړي او له نورو هیوادونو سره ډیپلوماټیکې او اقتصادي اړیکې پراخې کړي.
