د معمار خبري آژانس د راپور له مخې؛ طالبانو اعلان کړی چې د ډنمارک سور صليب سیمهییز مسئول او د افغانستان د سرې میاشتې عمومي رئیس ترمنځ په یوه لیدنه کې، ډنمارک بیا هم د افغان خلکو د ملاتړ لپاره پر خپلې ژمنې ټینګار کړي. د طالبانو د اعلان له مخې، میرمن جوهانا، د ډنمارک سور صليب د اسیا او اروپا سیمهییزه مسئوله، د شیخ شهابالدین دلاور، د افغانستان د سرې میاشتې عمومي رئیس سره په لیدنه کې ویلي چې دغه بنسټ د افغان خلکو د ملاتړ دوام ته ژمن دی او پلان لري چې نورې مرستې د افغانستان د سرې میاشتې له لارې هغو کسانو ته ورسوي چې اړتیا لري.
هغې همدارنګه ژمنه کړې چې د افغانستان ختیځ کې د زلزلهځپلو لپاره به د ژمي د مرستې بستې برابرې کړي ترڅو د ژمی موسم په وخت کې د دوی بیړنۍ اړتیاوې پوره سي. بل لور ته، شیخ شهابالدین دلاور ټینګار کړی چې د افغانستان سره میاشت هر ډول ګډ بشري پروګرام ته چې د خلکو د ژوند د وضعیت ښه کولو کې مرسته وکړي، هرکلی کوي او د نړیوالو بنسټونو سره د همکاریو لپاره چمتو دی. په هم دې حال کې، د ډنمارک سور صليب تر اوسه په رسمي توګه د دې لیدنې یا خپلو نوو ژمنو په اړه کومه اعلامیه نه ده خپره کړې.
