د معمار پرس د خبر له مخې؛ د چین د بهرنیو چارو وزارت اعلان کړی چې که متحده ایالات پریکړه وکړي چې د تعرفې جګړې ته دوام ورکړي، نو هیواد یې تر پایه پورې جګړې ته چمتو دی.
د سې شنبې په ورځ، د اپریل په اتمه، د چین د بهرنیو چارو وزارت ویاند لین جیان د امریکا د ګواښونو په ځواب کې وویل چې فشار، ګواښونه او تورونه د چین سره د مقابلې لپاره مناسبې لارې نه دي.
دا څرګندونې وروسته له هغه کیږي چې ډونالډ ټرمپ پرون یو نوی ګواښ وکړ او ویې ویل چې که چین له متحده ایالاتو څخه وارد شوي توکو باندې خپل ۳۴٪ غچ اخیستونکی تعرفه لرې نه کړي، نو متحده ایالات به له چین څخه وارد شوي توکو باندې ۵۰٪ اضافي تعرفې ولګوي.
