د معمار پرس د خبر له مخې؛ د طالبانو تر کنټرول لاندې د پوهنې وزارت پریکړه کړې چې له خپل اداري جوړښت څخه له ۸۹۰۰۰ څخه زیات پوستونه لرې کړي.
د وزارت لخوا د ورکړل شویو معلوماتو له مخې، په تیرو وختونو کې د رسمي پوستونو شمیر ۳۸۹،۲۰۰ وو، خو د دې پلان په پلي کیدو سره به دا شمیره ۲۹۹،۶۸۴ پوستونو ته راټیټه شي.
په دې توګه به د پوهنې وزارت له اداري جوړښت څخه ۸۹،۵۱۶ پوستونه له منځه یوړل شي.
وزارت وویل چې دا پوستونه به د قراردادیانو سره پاتې شي، او په نهایت کې به ۷۵،۷۹۹ خالي پوستونه له منځه یوړل شي.
