د معمار پرس د خبر له مخې؛ د پاکستان د صدراعظم مرستیال او د بهرنیو چارو وزیر محمد اسحاق ډار نن شنبه، د ۱۴۰۴ کال د حمل ۳۰مه، د یو لوړ پوړي پلاوي په مشرۍ کابل ته ورسید.
دا سفر، چې د افغانستان پلازمینې ته د هغه لومړنی رسمي سفر دی، موخه یې د دوه اړخیزو اړیکو پیاوړتیا او د دواړو ګاونډیو هیوادونو ترمنځ د اقتصادي همکارۍ پراخول دي.
د ترلاسه شویو معلوماتو له مخې، ټاکل شوې ده چې پاکستانی پلاوی به د دې سفر په جریان کې د بهرنیو چارو وزارت او نورو مهمو ادارو د استازو په ګډون د طالبانو له لوړ پوړو چارواکو سره وګوري او خبرې اترې وکړي.
د دې خبرو اترو اصلي تمرکز د ډیپلوماتیکو اړیکو ښه کول، د اقتصادي همکاریو پراختیا، او د کابل او اسلام آباد ترمنځ د سرحدي سوداګرۍ د پیاوړتیا لپاره د لارو چارو لټول دي.
