د معمار پرس د خبر له مخې؛ د پاکستان د کورنیو چارو وزیر محسن نقوي په اسلام آباد کې له خبریالانو سره په خبرو کې اعلان وکړ چې د پاکستان حکومت پریکړه کړې چې د افغان کډوالو د موقتي استوګنې کارتونه (PoR) ونه غځوي.
هغه خبرداری ورکړ چې له پاکستان څخه شړل شوي کډوال به په تور لیست کې شامل شي او هیواد ته به د بیا ننوتلو اجازه ورنکړل شي.
نقوي ټینګار وکړ چې دا پریکړه د پاکستان د نوي ملي پالیسۍ یوه برخه ده او د غیرقانوني کډوالو، په ځانګړې توګه د افغان اتباعو په وړاندې به هیڅ ډول نرمښت ونه شي.
