د معمار پرس د خبر له مخې؛ د پاکستان صدراعظم مرستیال او د بهرنیو چارو وزیر محمد اسحاق ډار د پنجشنبې په ورځ د هند تر کنټرول لاندې کشمیر کې د سیلانیانو پر مرګوني برید په اړه د هندي چارواکو د وروستیو تورونو په ځواب کې دا پیښه خواشینونکې وبلله او خبرداری یې ورکړ چې د نوي ډیلي هر ډول پاروونکي اقدام به د اسلام آباد له خوا له قاطع غبرګون سره مخ شي.
د پاکستان د بهرنیو چارو وزیر د پاکستان د ملي امنیت کمیټې د بیړنۍ غونډې څخه مخکې په یوه خبري کنفرانس کې وویل: “پاکستان یو مسؤل هیواد دی چې اټومي وړتیاوې هم لري، او موږ په بشپړ ډول چمتو یو چې غیر معقول اقداماتو ته ځواب ووایو.”
هغه د هند لخوا لګول شوي تورونه بې بنسټه وبلل او زیاته یې کړه: “نوي ډیلي موږ ته هیڅ اسناد یا شواهد نه دي وړاندې کړي، یوازې پر پاکستان تور لګوي. دا چلند نه یوازې غیر مسؤلانه دی، بلکې سیمه ییز تاوتریخوالی هم زیاتوي.”
د پاکستان د بهرنیو چارو وزیر دا هم وويل: “اسلام آباد به د هر ډول پارونکي عمل ځواب په غچ اخیستلو سره ورکړي او په دې برخه کې اړین وسایل لري.”
