وروستی بدلونونه ښيي چې پرته له یوه ګډ او باور وړ میکانیزم څخه د پولو هاخوا تهدیدونو د مدیریت لپاره، د کړکېچ د زیاتوالي، ناامنیو د خپرېدو او د افراطي لوبغاړو د رول زیاتېدو احتمال لا هم سته. د پاکستان د بهرنیو چارو وزارت ویاند، طاهر اندرابي، څرګندونې په اسلامآباد کې د سیمې د ترهګرۍ ډلو د فعالیتونو په اړه د ورځ تر بلې زیاتېدونکې اندېښنې ښيي.
پاکستان د امریکا د ملي ګارد پر غړو برید او په تاجکستان کې د چینایي اتباعو د وژل کېدو په اړه یادونه کوي، تر څو دا پیغام ورکړي چې د ترهګرۍ له امله بېثباتي د افغانستان له پولو هاخوا خپره سوې او سیمهییز امنیت یې ضعیف کړي دي. په دې چوکاټ کې، پاکستان بیا هم پر خپل اوږدمهاله دریځ ټینګار کړی؛ هغه دریځ چې د پاکستان د کورني ناامنیو د یوې برخې سرچینه د «په افغانستان کې مېشتو عناصرو» په شتون پورې تړي.
د اندرابي یادونه د پاکستان دوه لسیزې تجربه د ترهګرۍ سره په مبارزه کې، هڅه ده چې د سیمهییز ګډ اقدام ضرورت روښانه کړي او په طالبانو سیاسي فشار وارد کړي. برعکس، طالبانو په خوست کې د پاکستان په وروستیو بریدونو کې د غیرنظامي کسانو د تلفاتو په یادولو سره او د اسلام آباد د ادعاوو ردول چې داعش خراسان د دې هېواد په خاوره فعالیت کوي، هڅه کوي خپل ځای د قرباني په توګه په ډاګه کړی نه د ناامنیو د عامل په توګه. د دریځونو دا مخالفت د دواړو خواوو تر منځ د بېباوري فضا ژوره کړې؛ تر دې حده چې حتی د طالبانو او پاکستان تر منځ اوربند هم د اسلامآباد له نظره «ناپایداره» ګڼل کېږي. د سرحدي بریدونو زیاتوالی، د جنګیالیو آزادانه تګ راتګ، او د طالبانو د «په مناسب وخت کې ځواب» خبرداری، ټول ښيي چې دواړه خواوې په یوه د تور لګونې او متقابلو اقداماتو په کړۍ کې ښکېلې دي.
دغه بهیر نه یوازې د کابل او اسلامآباد اړیکې پېچلې کوي، بلکې د ګاونډیو هېوادونو او حتی د سیمې د ګټو لرونکو لویو قدرتونو امنیت هم اغېزمنوي. وروستۍ پېښې ښيي چې پرته له یوه ګډ او باور وړ میکانیزم څخه د پولو هاخوا تهدیدونو د مدیریت لپاره، د کړکېچ د زیاتوالي، ناامنیو د خپرېدو او د افراطي لوبغاړو د رول زیاتېدو احتمال لا هم سته. داسې وضعیت ممکن سیمه د امنیتي سیالیو یوې نوې مرحلې ته ورسوي چې له هغې څخه وتل به د تیر وخت په پرتله سخت وي.
