د معمار پرس د خبر له مخې؛ د طالبانو بین الوزارتي غونډه د کانونو او پټرولیم وزارت سرپرست شهاب الدین دلاور تر څارنې لاندې او د مالیې، عدلیې، بهرنیو چارو، کرنې او د چاپیریال ساتنې د وزارتونو د مسوولینو او د مرکزي بانک د مسوولینو په حضور کې د ټاپي پروژې د کارونو د چټکتیا په موخه جوړه شوه. په دې کتنه کې د کانونو او پټرولیم وزارت سرپرست د دغې پروژې د تطبیق لپاره د اړوندو ادارو ترمنځ د همغږۍ او همکارۍ په زیاتولو ټینګار وکړ. په همدې حال کې د ټاپي پروژې رئیس د ټاپي پروژې د وروستیو پرمختګونو په اړه د معلوماتو ورکولو ترڅنګ د چارو د لا ښه او پر وخت د پرمخ بیولو په موخه د یوې باصلاحیته کمېټې د جوړېدو غوښتنه وکړه. د ټاپي پروژه په ۲۰۱۶ کال کې د ترکمنستان، افغانستان، پاکستان او هند په ګډون د څلورو هېوادونو د مشرانو له خوا پرانیستل شوه.
لینک کوتاه: https://memar.press/?p=8278
۸ میاشتی پیش
شماره خبر 8278
منتشر شده در ۱۴:۲۶ - حمل ۱۹, ۱۴۰۳
Facebook
Twitter
WhatsApp
Telegram
Email
