د معمار خبری آژانس د راپور له مخې، له هغه وروسته چې د طالبانو او د پاکستاني سرحدي ځواکونو ترمنځ جګړې زیاتې سوې، خالد زدران د هغه څه ستاینه وکړه چې ده ورته “د افغانستان د خلکو پراخ یووالی د پاکستان پر وړاندې” وباله.
زدران ویلي دي، د طالبانو د دریځ په ملاتړ کې د خلکو د یووالی کچه “د تمې هاخوا” وه، او دا یووالی د ستونزمنو حالاتو په منځ کې د ریښتینې ملي همغږۍ څرګندونه کوي. په وروستیو ورځو کې، د پاکستان د هوایي بریدونو او سرحدي نښتو په غبرګون کې ګڼو سیاسي څېرو او پخوانیو چارواکو خپل غږ پورته کړی دی.
ځینې د پخواني حکومت پوځي قوماندانان، سره له دې چې له طالبانو سره سیاسي اختلاف لري، په یوه بېسارې دریځ کې د طالبانو د اقداماتو ملاتړ کړی دی. خو په مقابل کې، ځینې نور سیاسي فعالان او شنونکي وايي چې دا جګړې د افغان ولس پورې تړاو نه لري او د طالبانو او پاکستان دریځونه په اصل کې د افغانستان د خلکو پر وړاندې یو شان دي.
د پاکستان د وروستیو هوایي بریدونو او سرحدي نښتو له امله په جنوبي او ختیځو سیمو کې لسګونه ملکي وګړي وژل سوي او ټپیان سوي، چې پراخ کورني او نړیوال غبرګونونه یې راپارولي دي.
