د معمار خبري آژانس د راپور له مخې؛ علي مېثم نظري، د ملي مقاومت بهیر د بهرنیو اړیکو مسؤول، د استرالیا له تازه پرېکړې هرکلی کړی او دغه اقدام یې «د طالبانو د ځواب ویلو لپاره مهم ګام» یاد کړی دی.
نظري په ټینګار سره ویلي چې د افغانستان خلکو په تېرو څلورو کلونو کې د «بنسټیزو حقونو پراخ نقض» تجربه کړ. هغه زیاته کړه: «د استرالیا پرېکړه یو څرګند پیغام دی چې نړۍ نور د طالبانو جنايتونه له پامه نه سي غورځولی.»
نظري له نورو هېوادونو هم غوښتنه کړې چې ورته اقدام وکړي څو نړیوالې مرستې «خلکو ته ورسېږي، نه ظالمانو ته». هغه دا هم وویل چې د ملي مقاومت مبارزه د «آزاد، ډیموکراتیک او کثرتپاله افغانستان» لپاره روانه ده او نړیوال ملاتړ لا هم اړین دی.
