د ملا برادر دوحې ته سفر او د قطر له صدراعظم سره لیدنه

د معمار پرس د خبر له مخې؛ د طالبانو د صدراعظم د اقتصادي چارو د مرستیال دفتر اعلان وکړ چې د طالبانو د اقتصادي مرستیال ملا عبدالغني برادر د پنجشنبې په ورځ قطر ته د خپل سفر په ترڅ کې د دغه هېواد له صدراعظم محمد بن عبدالرحمن ال‌ثاني سره ولیدل او خبرې یې وکړې. د دې راپور له مخې، د دې غونډې اصلي تمرکز د افغانستان او قطر ترمنځ د اقتصادي اړیکو، پانګونې او دوه اړخیزو همکاریو پراختیا وه. قطر یو له هغو څو هېوادونو څخه دی چې له طالبانو سره نږدې اړیکې لري او د افغانستان په ډیپلوماتیکو او اقتصادي چارو کې یې مهم رول لوبولی دی. دا غونډه په داسې وخت کې ترسره کېږي چې افغانستان، د طالبانو تر واکمنۍ لاندې، له جدي اقتصادي ننګونو او نړیوالو محدودیتونو سره مخ دی.