د مقاومت د جبهې په سمبالولو کې د شهید سلیماني ځانګړی رول

د منځني ختیځ په معاصر تاریخ کې د شهید قاسم سلیماني نوم د مقاومت له مفهوم سره تړلی دی. د قدس قول اردو قوماندان په خپل هوښیار لارښود او رهبرۍ سره د مقاومت د جبهې په جوړولو او سمبالولو کې مرکزي رول لوبولی دی. شهید سلیماني په خپل ټول توان سره د مقاومت د محور د پیاوړتیا او تحول ته ژمن و. هغه د مختلفو لارو چارو څخه په استفادې سره په مختلفو هیوادونو کې د مقاومت د ډلو ترمنځ د ادغام هدف تعقیب کړ. په لبنان کې له حزب الله څخه نیولې بیا د عراق د حشدالشعبي ځواکونو پورې او د فلسطین له مقاومت څخه نیولې په سوریه کې د حرم له دفاعی ځواکونو پورې د دغه محور په سمون کې مهم رول ولوباوه. د شهید سلیماني اهداف د مقاومت د جبهې د یووالي لپاره، نه یوازې د پوځي مرستې له لارې، بلکې دا د مقاومت د محور د مختلفو ملیتونو تر منځ د باور او تفاهم د فضا په رامنځته کولو سره ترلاسه شو. هغه په ​​مختلفو سیمو کې د واحد مشرتابه رول او د مهمو شخصیتونو په لارښودولو سره، د مقاومت د جبهې یووالی خپلې لوړې کچې ته ورساوه. شهید سلیماني تل د ځواکونو د تجهیز او سمبالښت په اهمیت یادونه کول. ستراتیژیکه روزنه، پوځي مهارتونه او د بیلابیلو ځواکونو تر منځ د اړیکو پیاوړي کول ټول د هغه د کاري لومړیتوبونو څخه وو. له ترهګرو سره په مقابله کښې د شهید سلیمانی اقدامات د تکفیری او ترهګرو ډلو له منګولو څخه د سیمې د ولسونو په ژغورلو کښې مهم رول ولوباوه. د پیچلو پوځي عملیاتو په طرحه کولو او پلي کولو سره، هغه وتوانید چې لوی سیمه ایز ګواښونه لکه د داعش مخه ونیسي او په مختلفو هیوادونو کې نسبي امنیت بیرته راولي. که چیرې دا اقدامات په وخت او پریکنده توګه ترسره نه‌ وه شواي، د سیمې ډیری هیوادونه به د مشروع حکومتونو د ړنګیدو، د تاوتریخوالي د پراخیدو، د ملیونونو خلکو د بې ځایه کیدو او د ترهګرو ډلو د ستراتیژیکو او اقتصادي سرچینو د تسلط له خطر سره مخامخ شوې واي. د شهید سلیماني شهادت نه یوازې د ژوند پای، بلکې د مقاومت د محور لپاره د یوه نوي فصل پیلامه وه. د اړیکو په پیاوړتیا او د مقاومت د لارې په دوام سره به د مبارزې او مقاومت روحیه ژوندی او متحرکه پاتې شي.