د معمار پرس د خبر له مخې؛ د ژغورنې نړیوالې کمېټې (IRC) د نړیوالو مالي مرستو په کمښت، په ځانګړې توګه د متحده ایالاتو له خوا، ژوره اندیښنه څرګنده کړې او ویلي یې دي چې دې کار له ۳۰۰،۰۰۰ څخه ډیر افغان ماشومان له زده کړې څخه محروم کړي دي.
په یوه نوي راپور کې، دې نړیوال سازمان د افغان ماشومانو او کورنیو په راتلونکي باندې د دې وضعیت د ناوړه پایلو په اړه خبرداری ورکړی دی.
د ژغورنې نړیوالې کمېټې په یوه راپور کې ویلي چې د طالبانو له خوا پر ښځو او نجونو لګول شوي محدودیتونه د افغان کورنیو په ژوند ویجاړونکي اغېز لري.
دې محدودیتونو، د مالي مرستو کمښت سره یوځای، په سیمه ایزو ټولنو اضافي فشار راوړی او د اړینو خدماتو ته د لاسرسي وړتیا یې محدوده کړې ده.
