د معمار پرس د خبر له مخې؛ د ملي پراختیا شرکت ویاند نبي الله ارغندیوال پرون (چهارشنبه، د جوزا ۷مه) اعلان وکړ چې د دې کانال د دوهم پړاو جوړول په سیستماتیک او چټک ډول روان دي.
ارغندیوال ټینګار وکړ چې د دې پړاو د پام وړ بریالیتوب د تخنیکي ټیمونو د نه ستړې کېدونکې هڅو او د کورنیو ظرفیتونو د کارولو پایله ده.
د پروژې د سیمه ییز مدیر ذبیح الله میري په وینا، د قوش تېپې کانال په جوړولو کې کورني کارګران او مواد کارول شوي دي.
دې طریقې نه یوازې لګښتونه کم کړي دي بلکې د سیمه ییز اقتصاد په پیاوړتیا کې یې هم مرسته کړې ده.
