د معمار خبري آژانس د راپور له مخې، د طالبانو د کار او ټولنیزو چارو وزارت د یوې خبرپاڼې په نشرولو سره ویلي چې دا اداره هڅه کوي چې د کور دننه د کاري فرصتونو په رامنځته کولو او افغان کارګرانو بهر ته د استولو له لارې د افغانانو لپاره د کار زمینه برابره کړي.
د دې وزارت مسؤلینو ویلي چې د کارګرانو د استولو لپاره د یو شمېر هېوادونو سره د تړونونو د لاسلیکولو پروګرامونه په جریان کې دي او په دې برخه کې خبرې اترې روانې دي.
دا اقدام په داسې حال کې ترسره کېږي چې په افغانستان کې د بېکارۍ بحران په وروستیو کلونو کې زیات سوی او ډېرې کورنۍ د لومړنیو اړتیاوو د پوره کولو لپاره له ستونزو سره مخ دي.
