د طالبانو ملاتړی یوټیوب چلوونکی له بلجیم څخه افغانستان ته وشړل شو

د معمار پرس د خبر له مخې؛ جمیل قادري، یو افغان یوټیوب جوړونکی او د طالبانو ډلې ملاتړی، له بلجیم څخه وشړل شو او د هغه د پناه غوښتنې له لغوه کیدو وروسته بیرته افغانستان ته راستون شو. کابل ته له راستنیدو وروسته، هغه له طالبانو سره یوځای شو او د ډلې د یوه چارواکي سره یوځای یې عکس خپور کړ او اعلان یې وکړ چې د طالبانو بیرغ په اروپا کې پورته کړي دي. دا اخراج په اروپا کې د میشتو افغانانو له پراخو شکایتونو او د بلجیم د پارلمان د غړو له غوښتنې وروسته ترسره شو. مخکې له دې، د بلجیم چارواکو اعلان کړی و چې دوی به د هغه د پناه غوښتنې قضیه بیا وڅیړي ځکه چې هغه د طالبانو لپاره په عامه توګه ملاتړ کړی او د دې ډلې منتقدینو ته یې ګواښونه کړي دي.