د طالبانو د کډوالو چارو وزارت له نړیوالې ټولنې غوښتنه وکړه چې د کډوالو د وضعیت په اړه ورسره مرسته وکړي

د معمار پرس د خبر له مخې؛ د دغه وزارت مسلکي مرستیال عبدالرحمن راشد سمنګان ولایت ته د سفر په ترڅ کې څرګنده کړه چې په افغانستان کې امنیت ټینګ شوی او له کډوالو یې وغوښتل چې هېواد ته راستانه شي. نوموړي دغه راز ادعا وکړه، چې وزارت هڅه کوي، چې د راستنېدونکو کډوالو ستونزې د نورو بنسټونو په همکارۍ هوارې کړي. کارپوهان په دې باور دي چې یوازې طالبان نه شي کولای د مهاجرینو کړکیچ حل کړي او د نړیوالې ټولنې پراخو مرستو ته اړتیا لري.