د طالبانو د کورنیو چارو وزیر: د حق په لاره کې بلنه ته د زور پر ځای باید علم وکاروو

د معمار پرس د خبر له مخې: د طالبانو د کورنیو چارو وزیر سراج الدین حقاني په کونړ ولایت کې د دې ډلې د چارواکو د ظرفیت لوړونې په سیمینار کې وویل: “دښمن زموږ له یووالي څخه ویره لري، نو موږ باید له شک څخه ډډه وکړو. تل له تحقیق وروسته پرېکړه وکړئ او د زور پر ځای په عقلي او فکري پوهې سره خلک حق ته راوبلئ.” ښاغلي حقاني دا هم وویل: “موقفونه او مسوولیتونه لنډمهاله دي، خو د خلکو باور یو ستر امانت دی چې باید وساتل شي. د حکومت او خدمت پر مهال روڼتیا او پاکوالی زموږ بنسټ دی او موږ باید له شهرت، مادیاتو او حیثیت څخه ځان وساتو او روحیه یې لوړه وساتو، ترڅو نصرت الله له لاسه ورنکړو.”