د طالبانو د چاپېریال ریاست: د هوا ککړ کول جرم دی

د معمار پرس د راپور له مخې، د طالبانو د حکومت د چاپېریال ساتنې د ادارې د هوا د ککړتیا د تحلیل مشر محمد ناصر امین نن رسنیو ته وویل: د څارنې ټیمونه د چاپیریال د سرغړونو په څیړلو کې فعال دي او له سرغړونکو سره د جزا د قانون سره سم چلند کوي. ښاغلي امین زیاته کړه: په تېرو کلونو کې به ۱۰٪ په لوړو کورونو کې د لوګي فلټرونه نصب وو، خو د هڅو او فشارونو په پایله کې اوس له ۸۰ څخه تر ۹۰ سلنې په لوړو کورونو کې فلټرونه نصب شوي دي. دې کار د هوا د ککړتیا په کمولو کې ډیره مرسته کړې ده.