د طالبانو د پوهنې وزارت د غیر حنفي کتابونو د راټولولو امر

د معمار پرس د خبر له مخې؛ د طالبانو د پوهنې وزارت سرپرست مولوي حبیب الله اغا د ولایتونو د پوهنې له رئیسانو سره په یوه ویډیويي کنفرانس کې د ښوونځیو د کتابتونونو د څارنې او د هغو کتابونو د لیرې کولو پر اړتیا ټینګار وکړ چې د سني، جماعت او حنفي فقهې له عقایدو سره په ټکر کې دي. د طالبانو دغه اقدام د تعلیمي آزادیو د محدودولو او پر زده کوونکو د ځینو نظرونو د تحمیلولو په اړه اندیښنې راپارولي دي. په ځانګړې توګه په هغو ولایتونو کې چې د پام وړ شیعه نفوس لري، دغه حکم له منفي غبرګونونو سره مخ شوی دی.