د معمار پرس د خبر له مخې؛ د طالبانو د ملي ازموینو دفتر د یکشنبې په ورځ (د ثور ۷مه) اعلان وکړ چې د ۱۴۰۴ کال د کانکور ازموینه به د جوزا په ۷مه پیل شي او د سرطان تر ۲۰مې پورې به په ټول هیواد کې دوام وکړي.
عبدالباقي حقاني، چې د طالبانو له خوا د ازموینو د څانګې د مشر په توګه ټاکل شوی دي، وویل چې د سږ کال د کانکور ازموینه به د جوزا په ۷مه پیل شي او د سرطان تر ۲۰مې پورې به په ټول هیواد کې دوام وکړي.
د طالبانو د ازموینو د دفتر د اعلان له مخې، سږ کال کانکور به په پنځو پړاوونو کې ترسره شي او د ترسره کولو لپاره یې اړین چمتووالی نیول شوی دي.
هغه د پوهنتونونو لپاره د ۷۶،۴۰۰ زده کونکو د جذبولو ظرفیت او د نیمهعالي مؤسسې لپاره د ۳۳،۵۰۰ زده کونکو د جذبولو ظرفیت اعلان کړی دی.
د ازموینې جزئیات د یکشنبې په ورځ په کابل کې په یوه خبري کنفرانس کې اعلان شول.
