د معمار پرس د خبر له مخې؛ د طالبانو د عامې روغتیا وزیر نن پنجشنبه، د اسد په ۱۶مه په دې غونډه کې د روغتیا خدماتو پراخولو او د روغتیایی کارمندانو د ظرفیت لوړولو پر اړتیا ټینګار وکړ.
د آغا خان بنسټ پلاوي، چې مشري یې د آغا خان پوهنتون او روغتونونو رییس سلیمان شهاب الدین کوله، د روغتیا په سکتور کې د دوامداره همکارۍ ژمنه وکړه.
دوی د متخصصینو په روزنه او په ځانګړو برخو کې د ظرفیت لوړولو باندې تمرکز وکړ.
په بحثونو کې د خدماتو وړاندې کولو کې شفافیت، د درملنې لپاره د مناسبو نرخونو ټاکل، او د متخصصینو شخصي او آنلاین روزنه هم شامله وه.
