د معمار پرس د خبر له مخې؛ د طالبانو د حکومت د طبیعي پیښو د مدیریت ملي ادارې سرپرست نورالدین ترابي په نیمروز ولایت کې د کډوالۍ د نړیوال سازمان له کمپونو څخه لیدنه کړې ده.
د نیمروز ولایت ته د خپل وروستي سفر په جریان کې، د طالبانو د حکومت د طبیعي پیښو د مدیریت ملي ادارې سرپرست د کډوالو کمپ او د ملک په پوله کې د کډوالۍ د نړیوال سازمان له کمپ څخه لیدنه وکړه.
د طبیعي پیښو د مدیریت ادارې د مطبوعاتي اعلامیې له مخې، دا لیدنه د کډوالو د عمومي وضعیت او په دې کمپونو کې د شته ننګونو د بیاکتنې لپاره ترسره شوې وه.
ترابي دا هم وویل چې اداره چمتو ده چې د کورنیو او نړیوالو ادارو سره په همغږۍ کې زیانمنونکو کورنیو ته نور خدمات وړاندې کړي.
