د معمار پرس د خبر له مخې؛ عزیزي په غونډه کې ټینګار وکړ چې د طالبانو حکومت په افغانستان کې د اقتصادي او سوداګریزو فعالیتونو لپاره اساسي اسانتیاوې برابرې کړې دي.
هغه د افغان راستنیدونکو او پانګوالو سره د دولتي ادارو د بشپړې همکارۍ ډاډ ورکړ.
د صنعت او سوداګرۍ وزیر په غونډه کې د افغان سوداګرو ستونزې او وړاندیزونه واورېدل.
په غونډه کې حاضرو سوداګرو په هیواد کې د اقتصادي وضعیت او پانګونې شرایطو په اړه خپلې اندیښنې څرګندې کړې.
دا په داسې حال کې ده چې ډیری افغان پانګوال او سوداګر په ۲۰۲۱ کال کې د سیاسي بدلونونو وروسته له هیواده وتلي دي.
