د معمار خبري آژانس د راپور له مخې، د طالبانو د دفاع وزارت د یوې اعلامیې په خپرولو سره ویلي چې د پاکستاني ځواکونو الوتکو یو ځل بیا د افغانستان فضايي حریم نقض کړی او د پکتیکا ولایت د «مرغی» په سیمه کې، چې د دیورند کرښې ته نږدې ده، یو ملکي بازار یې بمبار کړی دی.
په اعلامیه کې راغلي چې د پاکستان جنګي الوتکو د کابل د ښار پر فضايي حریم هم تېری کړی دی.
دفاع وزارت دغه عمل «بېساری، تاوتریخجن او د غندنې وړ» بللی او ټینګار یې کړی چې د هېواد حریم دفاع د افغانستان مشروع حق دی.
د طالبانو دفاع وزارت خبرداری ورکړی چې که کړکېچونه زیات سي، د هغو پایلې به د پاکستان د پوځ پر غاړه وي.
