د معمار خبری آژانس د راپور له مخې؛ د افغانستان په سوېل کې ځايي سرچینو ویلي چې څو شیبې وړاندې د پاکستان هوايي ځواک د بېپیلوټه الوتکو په وسیله د سپینبولدک په سیمه کې څلور هدفونه بمبار کړي دي.
تراوسه د تلفاتو او احتمالي زیانونو په اړه دقیق معلومات نسته، خو له سیمې خپاره سوي انځورونه ښيي چې له لیرې څخه لوګي د لیدلو وړ دي.
طالبانو ته نږدې سرچینو ویلي چې دغه بریدونه د طالبانو او پاکستاني پوځیانو ترمنځ د نښتو د دوام په ترڅ کې د ډیورنډ کرښې په دوو نقطو کې ترسره سوي، هغه وضعیت چې په دې پولهییزې سیمې کې د لا زیاتو کړکېچونو اندېښنې زیاتې کړې دي.
