د شانګهای د همکاریو سازمان: طالبان باید له ترهګرۍ سره د مبارزې په برخه کې خپل مسوولیتونه ادا کړي

د معمار پرس د خبر له مخې؛ د شانګهای د همکارۍ سازمان په افغانستان کې د «ترهګرو ډلو» د فعالیت پر دوام اندېښنه ښودلې او له طالبانو یې غوښتي چې له ترهګرۍ او ترهګرو ډلو سره د مبارزې په برخه کې خپل مکلفیتونه باید سرته ورسوي. د چهارشنبې په شپه د روسیې د ملي امنیت شورا د شانګهای د همکارۍ سازمان د یوې اعلامیې له مخې د حمل ۱۵مه لیکلي دی چی په افغانستان کې د “ترهګرو ډلو” فعالیت د دغه سیمه ییز سازمان د غړو هېوادونو لپاره یو جدي ګواښ دی. د تاس خبري اژانس د راپور له مخې، په دې غونډه کې چې د قزاقستان په پلازمېنه استانه کې جوړه شوې وه، د افغانستان پر حالاتو خبرې وشوې. د يادونې وړ ده، چې د ايران او روسيې پر وړاندې د داعش وروستيو بريدونو او د پاکستان په ګډون په ګاونډيو هېوادونو کې د داعش ډلې د خوځښتونو زياتوالي د سيمې د هېوادونو او نړيوالو سازمانونو د مشرانو اندېښنې راپارولي دي.