د معمار پرس د خبر له مخې؛ د طالبانو د صنعت او سوداګرۍ وزارت یو پلاوی، چې مشري یې د وزارت مرستیال احمدالله زاهد کوي، د اقتصادي او سوداګریزو همکاریو د پیاوړتیا او پراختیا لپاره ازبکستان ته تللی دی.
د صنعت او سوداګرۍ وزارت په یوه مطبوعاتي اعلامیه کې اعلان وکړ چې پلاوی به د ازبکستان د حکومت لخوا په تاشکند کې د جوړ شوي نندارتون د پرانیستې په مراسمو کې ګډون وکړي.
دا نندارتون د افغانستان د سوداګریزو وړتیاوو د ښودلو او له ازبکستان سره د اقتصادي اړیکو د پراختیا لپاره یو مهم فرصت برابروي.
د صنعت او سوداګرۍ وزارت د یوې مطبوعاتي اعلامیې له مخې، افغان پلاوی به د دې سفر په جریان کې په ازبکستان کې میشتو افغان سوداګرو سره وګوري.
