د سولې نړیوالې جرګې د پاکستان او افغانستان ترمنځ د سوداګریزو خنډونو د لرې کولو غوښتنه وکړه

د معمار پرس د خبر له مخې؛ د سولې نړیوالې جرګې په خپله وروستۍ غونډه کې له پاکستاني چارواکو وغوښتل چې پر افغان او پاکستاني سوداګرو لګول شوي سوداګریز بندیزونه لیرې کړي. د پاکستاني رسنیو د راپورونو له مخې، په دې کتنه کې د خیبر پښتونخوا ایالت مشرانو او سوداګرو د تورخم پولې په بشپړه توګه پرانستل او د دواړو هېوادونو د سوداګرو لپاره د ګمرکي کړنلارو پر اسانتیا ټینګار وکړ. په خيبر پښتونخوا کې د سولې د نړيوالې جرګې مشر خان بابا دا خبره کړې ده چی اوسنیو سوداګریزو بندیزونو د افغانستان او پاکستان اقتصادونه سخت زیانمن کړي او د دواړو هېوادونو د خلکو پر ژوند یې منفي اغېز کړی دی.