د سرپرست حکومت د بهرنیو چارو وزارت اعلامیه: ایراني پلاوي د اوبو جریان له نورمال څخه کم و ارزاوه

د معمار پرس د خبر له مخې د افغانستان د اجرائيه ریاست د بهرنیو چارو وزارت په خبرپاڼه کې راغلي چې د ایران د اسلامي جمهوریت تخنیکي پلاوي د ۱۴۰۲ کال د اسد د میاشتې په اتلسمه نیټه د دهراود هایدروولوژیک سیسټم د اوبو د جریان په هکله د ابهامونو د لرې کولو لپاره له دغه سیسټم څخه لیدنه وکړه او د اوبو جریان مشاهده او اندازه کړي. ايراني پلاوي د دهراود په سيسټم کې اوبه د عادي اوبو کال په پرتله کمې ارزولې او د اوبو د جريان حالت يې ټکان ورکوونکی بللی دی. دغه راز ايراني پلاوي دا هم په ډاګه کړې، چې د هلمند بحيره ډیر لږ اوبه لري او په ځينو سيمو کې يوازې د سيلابونو په حالت کې اوبه وي.