د معمار پرس د خبر له مخې؛ د طالبانو د سرپرست حکومت د عامې روغتیا وزیر مولوي نور جلال جلالي په افغانستان کې د نړیوال روغتیا سازمان له رییس اډوین سینیزا سلواډور سره ولیدل.
په دې غونډه کې، دواړو خواوو د سرطان درملنې په برخه کې د روغتیایی کارمندانو د ظرفیت لوړولو، د شري واکسیناسیون ملي کمپاین، د پولیو واکسین د پلي کولو ښه کولو، د سرطان روغتونونو لپاره د طبي تجهیزاتو چمتو کولو او ځینو نورو مسلو په اړه بحث او نظرونه تبادله کړل.
