د معمار پرس د خبر له مخې؛ د روسیې د بهرنیو چارو وزیر سرګي لاوروف اعلان وکړ چې د روسیې او منځنۍ اسیا د هیوادونو ترمنځ راتلونکې غونډه به د روان کال په اکتوبر کې د تاجکستان په پلازمېنه دوشنبه کې د کامن ویلت خپلواکو هیوادونو د سرمشریزې په څنډه کې ترسره شي.
هغه وويل چې د دې غونډې موخه د سيمې د هېوادونو ترمنځ د هڅو همغږي کول دي ترڅو په ټولو برخو کې همکاري پياوړې شي.
لاوروف زیاته کړه چې مسکو د ګاونډیو هیوادونو سره په همکارۍ کې په سیمه کې د ثبات او امنیت ساتلو او د بهرنیو لاسوهنو مخنیوي ته ژمن دی.
په دوشنبې کې د روسیې او مرکزي اسیا راتلونکې سرمشریزه د جیوپولیتیک ننګونو په وړاندې د سیمه ییزو اړیکو د پیاوړتیا لپاره د ګډو هڅو سمبول دی.
