د خوړو نړېوال پروګرام د افغانستان د بشري ناورین د ژورېدو په اړه خبرداری ورکړی

د معمار خبري آژانس د راپور له مخې، د خوړو نړیوال پروګرام په تازه راپور کې ویل سوي چې شدیده خوارځواکی، پرله‌پسې وچکالي او له ایران او پاکستانه د افغان کډوالو اجباري ستنېدل ډېرې کورنۍ له لا ډېرو ستونزو سره مخامخ کړي دي. دغه د ملګرو ملتونو اړوند بنسټ ټینګار کړی که بیړنۍ مالي سرچینې برابرې نه سي، د اړتیا وړ مرستو رسونه له جدي خنډونو سره مخامخ کېږي. د WFP په وینا، د راتلونکو شپږو میاشتو اړتیاوو د پوره کولو لپاره لږ تر لږه ۵۶۸ میلیونه ډالرو بیړنۍ بودجې ته اړتیا ده. یاد پروګرام خبرداری ورکړی که دغه مالي سرچینې برابرې نه سي، میلیونونه افغانان به د لا ډېرې لوږې او شدیدې خوارځواکۍ له ګواښ سره مخ سي