د معمار پرس د خبر له مخې؛ د خوړو نړیوال پروګرام (WFP) د ښوونځي د تغذیې د نړیوالې ورځې په مناسبت په یوه پیغام کې اعلان وکړ چې هیڅ ماشوم باید وږی ښوونځي ته لاړ نشي.
دې سازمان خبرداری ورکړی چې په افغانستان کې د ډیری ماشومانو لپاره، په ځانګړې توګه د نجونو لپاره، ښوونځی یوازینی ځای دی چې دوی کولای شي مغذي خواړه ترلاسه کړي.
د دې سازمان په وینا، په افغانستان کې هره ورځ ۷۰۰،۰۰۰ ماشومان د دې پروګرام د خوړو له مرستې څخه ګټه پورته کوي.
په دې ویش کې مغذي خواړه شامل دي چې د زده کونکو روغتیا او تمرکز ښه کولو کې مرسته کوي.
