د بښنې نړیوال سازمان: اسراییل په رفح کې جنګي جنایت کړی دی

د بښنې نړیوال سازمان په ګډون نړیوالو سازمانونو او بنسټونو په رفح کې د کډوالو پر وړاندې د اسراییلو وحشیانه تیری یو جنګي جنایت وباله او د دغو جنایتونو د سمدستي او شفافې څیړنې غوښتنه یې وکړه. د غزې د تړانګې په جنوب کښې په رفح کښې د بې دفاع فلسطینی کډوالو پر وړاندې د صهیونیسټی نیواکګرو د جنایتونو په دوام د نړیوالې ټولنې له نیوکې وروسته په مینځني ختیځ کښې د صلحې لپاره د ملګرو ملتو ځانګړي همغږي کوونکي “تور ونسلند” د رفح په لویدیځ کښې د مهاجرینو په خیمو باندې د صهیونیسټي رژیم د وحشیانه حملې د هراړخیزې او شفافې څیړنې غوښتنه وکړه. د ملګرو ملتونو دغه چارواکي په یوه بیانیه کې په رفح کې د کډوالو پر ضد د اشغالګرو پوځیانو وحشیانه وژنه او د کډوالو پر خیمو بمبارول چې د لسګونو بې ګناه ملکي وګړو د شهادت لامل شوي، په کلکه غندي. دغه سازمان زیاته کړه: ړانده بریدونه چې بې ګناه ملکي وګړي وژني او ټپي کوي جنګي جنایت دی او باید وڅېړل شي.