د بشري حقونو فعالان: په ابوظبي کې د افغان کډوالو وضعیت کړکېچن دی

د معمار پرس د خبر له مخې؛ د بشري حقونو د فعالانو اتحادیې د ابوظبۍ په بشري میشت ځای کې د افغان کډوالو د خطرناک وضعیت په اړه یو راپور خپور کړی دی. دغه راپور ښيي چې لسګونه افغان کډوال په سختو او غیر انساني شرایطو کې ژوند کوي. د دغه راپور له مخې، د کډوالو کمپ په لرې پرتې صنعتي سیمه کې موقعیت لري او د ژوند له لومړنیو اسانتیاوو بې برخې دي. د بشري حقونو فعالانو ویلي، دغه کمپ له ککړو اوبو، بې کیفیته خوړو او ناوړه هوا سره مخ دی، چې د کډوالو په ځانګړې توګه د ښځو او ماشومانو فزیکي او رواني روغتیا له جدي ګواښ سره مخ کوي. د دې ترڅنګ خپاره شوي اسناد او ویډیوګانې ښيي چې سیمه ییزو چارواکو له ګواښونو او ډارونو په استفادې د کډوالو ستونزو ته د اعتراض او انعکاس مخه نیولې ده.