د معمار پرس د خبر له مخې؛ د ایران د قضا د ویاند اصغر جهانګیر د دوشنبې په ورځ په یوه خبري کنفرانس کې وویل چې د وروستیو عدلي احصایو له مخې، د ایران په وړاندې د صهیونیسټ رژیم د ۱۲ ورځنۍ جګړې کې تر اوسه پورې ۹۳۵ شهیدان پیژندل شوي دي، چې له دې ډلې ۳۸ ماشومان او ۱۳۲ ښځې دي، چې ځینې یې امیندواره وې.
هغه زیاته کړه: په دې تیري او تحمیلي جګړه کې، بې ګناه خلک او ملکي وګړي، لایق قوماندانان او لوی اټومي ساینس پوهان شهیدان شوي دي.
د قضايي قوې ویاند د سیدالشهدا حضرت ابا عبدالله الحسین (ع) او د هغه د وفادارو ملګرو د ویر د میاشتې په مناسبت د نړۍ ټولو آزادو او خپلواکو خلکو ته خپل خواخوږي څرګنده کړه او ویې ویل: د عاشورا غورځنګ موږ ته د تاریخ په اوږدو کې د وخت د ظلم په وړاندې د مقاومت، قربانۍ او عزت درس راکړ.
