د ایران په اقتصاد کې د افغان پانګوالو مثبت رول

د ایران د سوداګرۍ او صنایعو د خونې مشر صمد حسن زاده دا اعلان وکړ چي په ایران کې د بهرنۍ پانګونې د غوښتنې ۲۰ قضيې راپورته شوي، چې ډېری یې د افغان سوداګرو اړوند دي. حسن زاده دا خبره د ایران د اقتصادي فعالانو په غونډه کې وکړه چي په ایران کې د پانګونې لپاره د بهرنیو سوداګرو لېوالتیا ډېره شوې او له قضایه قوې یې غوښتنه کړې ده چي د بهرنیو پانګوالو د امنیت د تامین لپاره په ځانګړې توګه د قوانینو د ټینګښت او له هغوی څخه د ملاتړ لپاره اغېزمن اقداماتو ترسره کړي. هغه ټینګار وکړ چې افغان سوداګر په ایران کې تر ټولو بهرنۍ پانګونه لري او زیاته یې کړه: په دې وروستیو کې په مشهد کې د افغانانو له خوا شل بهرنۍ پانګونه شوې ده. افغان پانګوالو په وروستیو کلونو کې د ایران په اقتصادي پرمختګ کې مهم رول لوبولی دی. د دواړو هېوادونو ترمنځ ژورو کلتوري، ژبنیو او تاریخي اړیکو ته په پام سره، دغه پانګوال توانېدلي چې په اسانۍ سره د ایران له اقتصادي چاپېریال سره تطابق وکړي او په بېلابېلو برخو کې فعالیت وکړي. د ایران په اقتصاد کې د دوی شتون د کاري پانګې د زیاتوالي، کارموندنې او د تولید د پیاوړتیا لامل شوی دی. د بېلګې په توګه، د مشهد په شان ښارونو کې د دوی ډیری پروژې د ایرانیانو لپاره د پام وړ کاري فرصتونو رامینځته کولو لامل شوي او دوی د تولیدي فابریکو، کوچنیو او منځنیو ورکشاپونو او سوداګریزو فعالیتونو په برخو کې رول لوبولی دی. سربیره پردې، د تولید سکتور ته د دغو پانګوالو ننوتل، په ځانګړې توګه د صادراتو په برخو کې، په سیمه ایزو صنعتونو کې ارزښتناکه سلسله پیاوړې کړې او سیمه ایز بازارونو ته یې کورني تولیدات معرفي کړي دي. له دې ظرفیت څخه د ښې ګټې اخیستنې لپاره، ایران اړتیا لري چې مناسب پلیټ فارمونه رامینځته کړي او د خپلو فعالیتونو د پراخولو لپاره د افغان پانګوالو هڅونه پیاوړې کړي. د جواز ورکولو پروسیجرونو ساده کولو له لارې د اداري پروسو اسانه کول پدې لار کې لومړی ګام کیدای شي. د اقتصادي قوانینو د ثبات ساتل هم د پانګوالو د باور د جلبولو یو مهم عامل دی. دوی یو شفاف او باثباته چاپیریال ته اړتیا لري، ځکه چې د مالیاتو، ګمرکونو او د پانګونې په قوانینو کې ناڅاپي بدلونونه کولای شي د بې باورۍ لامل شي او د پانګونې لیوالتیا کمه کړي. له بلې خوا، د ځانګړي ملاتړ چمتو کول لکه لنډمهاله مالیه معافیت، بانکي اسانتیاوې او د تعرفو کمول کولای شي پانګه اچوونکي وهڅوي چې خپلو فعالیتونو ته وده ورکړي. له بلې خوا دغو فرصتونو ته نه پاملرنه او د افغان پانګوالو د ظرفیتونو په اړه بې پروايي کول منفي پایلې لرلی شي. نورو هیوادونو ته د پانګې وتل، د کارموندنې کمښت او د اقتصادي پراختیا د فرصتونو له لاسه ورکول د دې غفلت له پایلو څخه دي. افغان پانګوالو په خپلو هڅو او ژمنو سره د ایران د اقتصاد په پیاوړتیا کې ارزښتناک رول لوبولی دی. د دوی ملاتړ به نه یوازې د ایران له اقتصادي ودې سره مرسته وکړي، بلکې د دواړو هېوادونو ترمنځ د دوامداره اقتصادي اړیکو لپاره به زمینه برابره کړي. د خوندي، شفاف او ملاتړي چاپېریال رامنځته کول کولای شي ایران د بهرنیو پانګوالو لپاره په زړه پورې ځای بدل کړي او د دغې ډلې له ظرفیتونو څخه اعظمي ګټه پورته کړي.