د ایران د کورنیو چارو وزیر: موږ د کډوالۍ مخالف نه یو، خو په هېواد کې د کډوالو د منلو ظرفیت پای ته رسېدلی دی

د معمار پرس د خبر له مخې، ښاغلي مومني دغه څرګندونې د فراجا د قومندانانو او مشرانو په غونډه کې وکړې چی “ایران نشي کولای دا شمیر کډوال ومني. موږ د کډوالۍ ضد مبارزې په لټه کې نه یو، بلکې د هغو محدودیتونو له امله چې د دوی په منلو کې شتون لري، د یوه ملي او سم پلان سره، موږ د ناقانونه کډوالو بیرته ستنیدل په اجنډا کې لرو.” د ایران د کورنیو چارو وزیر تاکید وکړ: هغوی زمونږ وروڼه دي او مونږ سره ډیر مشترکات لرو خو ایران نه شي کولای له دې څخه زیات اتباع ومني.