د ایران د کورنیو چارو وزارت د مهاجرینو د چارو د مرکز مشر: ملګري ملتونه باید په عادلانه توګه د کډوالو د کوربه توب بار تقسیم کړي

د معمار پرس د خبر له مخې؛ د ایران د کورنیو چارو وزارت د بهرنیو اتباعو او مهاجرینو د چارو د مرکز مشر نادر یاراحمدي د ملګرو ملتو د کډوالو له عالي کمیشنرۍ سره په کتنه کښې د مهاجرو د کوربه توب د بار د عادلانه ویش غوښتنه وکړه. په دې غونډه کې يار احمدي خبردارى ورکړ، چې که نړيواله ټولنه مسووليت پر غاړه وانخلي، ايران به د کډوالۍ پر خپلو سياستونو له سره غور وکړي. هغه همداراز ټینګار وکړ چې سیاسي مسایل باید پر بشري فعالیتونو اغیز ونه کړي.