د معمار پرس د خبر له مخې؛ د ایران په اسلامي مشورتي شورا کې د مشهد د خلکو استازې حجت الاسلام والمسلمین نصرالله پژمانفر د مشهد په سپیڅلي ښار کې په یوه خبرو اترو کې د ایران او افغانستان د دواړو ملتونو ترمنځ د خواخوږۍ او یووالي پر اړتیا ټینګار وکړ.
هغه وویل چې افغان مهاجرین تل د تاریخ په اوږدو کې د ایران د خلکو تر څنګ ولاړ دي، که په سختو وختونو کې وي یا د هوساینې په وختونو کې، او د دې دواړو ملتونو ترمنځ هیڅ جلاوالی یا ویش نشته.
د ایران د پارلمان غړي زیاته کړه چې په ایران کې د افغان کډوالو د شتون لپاره باید مناسب شرایط برابر شي ترڅو دا سوله ایز ګډ ژوند پیاوړی شي.
هغه د دواړو هېوادونو ترمنځ تاریخي او کلتوري اړیکو ته په اشارې سره د کډوالو حقونو او اړتیاوو ته د پاملرنې اړتیا په اړه خبرې وکړې او د ګډ ژوند لپاره د مناسب چاپیریال رامینځته کولو اهمیت یې ټینګار وکړ.
