د ایران د بهرنیو چارو وزیر: تهران او مسکو د افغانستان د کړکېچ د حل لپاره سلامشورې ته دوام ورکوي

د معمار پرس د خبر له مخې؛ د روسیې د بهرنیو چارو وزیر سرګي لاوروف د ایران د بهرنیو چارو وزیر عباس عراقچي سره وکتل ترڅو د سیمه ایزو پرمختګونو او دوه اړخیزو همکاریو په اړه، په ځانګړې توګه د افغانستان په اړه خبرې وکړي. د ایراني رسنیو په وینا، د غونډې په جریان کې، د ایران د بهرنیو چارو وزیر د افغانستان د کړکیچ په حل کې د ایران او روسیې د رول پر اهمیت ټینګار وکړ او ویې ویل: “په افغانستان کې پرمختګونه زموږ او روسیې لپاره مهم دي. په دې موضوع زموږ بحثونه تل روان دي او موږ اراده لرو چې په راتلونکي کې هم دې مشورو ته دوام ورکړو.” سرګي لاوروف په دې غونډه کې د سیمه ییزې همکارۍ په اړه هم وویل: “ایران، روسیه، چین او پاکستان هڅه کوي چې د څلور اړخیزې همکارۍ له لارې د افغانستان د کړکېچ په حل کې مرسته وکړي.”