د ایران د اسلامي جمهوریت د بهرنیو چارو وزیر سید عباس عراقچي ټینګار وکړ چې موږ به د فشار یا ګواښ لاندې خبرې اترې ونه کړو، او ویې ویل: “موږ دا ډول خبرې اترې حتی د غور وړ هم نه ګڼو، چي موضوع یې هر څه وي.”
په هغه پوسټ کې چې هغه په ایکس ټولنیز شبکه کې خپور کړ، د ایران د بهرنیو چارو وزیر د فشار لاندې خبرو اترو په اړه د ایران د اسلامي جمهوریت کلک دریځ څرګند کړ.
هغه ټینګار وکړ چې ایران د ګواښونو لاندې خبرو اترو ته لیواله نه دی او دا ډول خبرې اترې حتی د غور وړ هم نه ګڼي.
په دې پیغام کې، عراقچي ټینګار وکړ چې د ایران د اټومي انرجۍ پروګرام په بشپړه توګه سوله ایز دی او هیڅکله یې پوځي اړخ نه درلود او نه به یې ولري.
