د معمار پرس د خبر له مخې؛ د طالبانو د بهرنیو چارو وزارت سرپرست مولوي امیر خان متقي د ایران د اسلامي جمهوریت د بهرنیو چارو وزیر سید عباس عراقچي سره په ټیلیفوني خبرو کې د مهمو مسلو په ګډون د دوه اړخیزو اړیکو، په غزه کې د بشري کړکېچ او د افغان کډوالو د راستنېدو د پروسې په اړه بحث وکړ.
متقي د کډوالو د راستنیدو پروسه هم د “اندیښنې وړ” وبلله او په دې پروسه کې یې د تدریجي اصل او د انساني وقار د ساتنې غوښتنه وکړه.
په دې خبرو اترو کې، سید عباس عراقچي ډاډ ورکړ چې ایران هڅه کوي د کډوالو د راستنیدو پروسه په داسې ډول اداره کړي چې د دوی بشري حقونه خوندي کړي.
