د امر بالمعروف وزارت او د ښځینه آرایشګاهو د فعالیت منع کول

دا خبره د طالبانو د امر بالمعروف او نهی عن المنکر وزارت په یوه لیک کې کړې ده چی د طالبانو د ډلې د مشر د شفاهي حکم له مخې د روان کال د سرطان د میاشتې له دریمې نیټې څخه د اسد د میاشتې تر دریمې نیټې پورې په کابل ښار او مختلفو ولایتونو کې د ښځو د آرایشگاهو د صالونونو فعالیت منع دی. او له دې مودې وروسته به په دې برخه کې هر ډول فعاليت ناقانونه وي او ورسره اړوند قراردادونه او جوازونه به باطل وي. پخوا طالبانو د ښځو پر کار او زده کړو محدودیتونه لګولي وو او له دغو اساسي حقونو یې بې برخې کړي وو.