د امریکا د سولې انسټیټیوټ: د افغانستان اقتصاد یو ځل بیا د سقوط په درشل کې دی

د معمار پرس د خبر له مخې؛ دغه څرګندونې د اقتصادي پراختيا کارپوه ويليم برډ او په دغه انسټيټيوټ کې د افغانستان او منځنۍ اسيا د څانګې مسوول سکاټ ورډن د جمعې په ورځ د عقرب په ٢٧مه وکړې. د امریکا د سولې د انسټیټیوټ لوړپوړي اقتصادي کارپوهان د افغانستان د وضعیت په اړه د نړیوال بانک وروستیو راپورونو ته په کتو سره وايي، چې د طالبانو له واک ته رسېدو څه باندې دوه کاله وروسته هم افغانستان د نړۍ یو له هغو بې وزلو هیوادونو څخه دی چې تر ټولو لوړ بشري اړتیاوې لري. د دغه راپور له مخې، له ۲۰۲۱ کال راهیسې طالبانو تر ۱۴۰ ډېر فرمانونه صادر کړي، چې ۹۰ فرمانونه یې په ځانګړي ډول د ښځو او نجونو حقونه او ازادي محدودوي.